Sanoat siyosati — bu davlat tomonidan sanoat tarmoqlarini rivojlantirish, modernizatsiya qilish, raqobatbardoshligini oshirish va iqtisodiy o‘sishni ta’minlash maqsadida ishlab chiqiladigan va amalga oshiriladigan chora-tadbirlar majmuasidir. Sanoat siyosati mamlakatning umumiy iqtisodiy strategiyasining muhim qismidir. Sanoat siyosatining asosiy maqsadlari ichki sanoatni rivojlantirish, yuqori qo‘shilgan qiymatli mahsulotlar ishlab chiqarishni rag‘batlantirish, texnologik yangilanishni va innovatsiyalarni qo‘llab-quvvatlash, ish o‘rinlarini yaratish va bandlikni oshirish, eksport salohiyatini rivojlantirish, hududlar sanoatini muvozanatli rivojlantirish. Sanoat siyosatining asosiy vositalari moliyaviy yordam, investitsiyalarni rag‘batlantirish, import o‘rnini bosuvchi ishlab chiqarishni qo‘llab-quvvatlash, sanoat zonalari va klasterlarini tashkil etish, ta’lim va kadrlar tayyorlash tizimini rivojlantirish, ilmiy-tadqiqot va tajriba-konstruktorlik ishlanmalarini moliyalashtirish. Sanoat siyosatining turlari faol sanoat siyosati – aniq tarmoqlarni davlat tomonidan qo‘llab-quvvatlash, neytral sanoat siyosati – bozor mexanizmlariga tayanib, barcha tarmoqlarga teng sharoit yaratish, vertikal sanoat siyosati – muayyan sanoat yoki kompaniya