Tayanch iboralar, tayyorlov sexlari, mashinasozlik, korxona, maxsus zagotovka, ishlab chiqarish turi, qolip, sterjen, qum, elimlash mahsulotlari, iqtisodiy samara, quyma, shtampovka, presslash, yunish, eritish pechlari. Qayta loyihalanayotgan texnologik jarayon uchun zagotovka turini tanlashning quyidagi varinatlari bo’lishi mumkin: 1) hozirgi ishlab chiqarishda mavjud zagotovkani olish usuliga o’xshash(analogik) bo’lgan usul qabul qilinadi; 2) zagotovka olish usuli o’zgartiriladi, biroq bunda mexanik ishlov berish texnologik jarayoni o’zgarmaydi; 3) zagotovka olish usuli o’zgartiriladi va buning natijasida detallarni mexanik ishlov berishning bir qator operatsiyalari sezilarli(keskin) ravishda o’zgaradi. Birinchi holda berilgan talablar uchun ma’lumotlar beradigan adabiyotlarga tayanish yetarli bo’ladi. Chunki zagotovka narxi o’zgarmaydi va texnologik tannarxni aniqlashda u hisobga olinmaydi.