Mexanika-yig'uv ishlab chiqarishiga texnik xizmat ko'rsatish va ta’mirlash tizimi quyidagilarni ishga yaroqliligini ta’minlashi kerak: texnologik va ko'tarish-tashish jihozlarini va boshqa texnik vositalarini ta’mirlash, qirindilarni chiqarib tashlash va qayta ishlash, ish o'rnilarini sovituvchi suyuqliklar, elektro-energiya, qisilgan havo bilan ta’minlash va zarur mikroklimatni yaratish hamda tsex havosining tozaligini ta’minlash. Bitta binoda bir nechta mexanik va mexanika-yig'uv tsex-larining joylashishi yuqoridagi xizmatlarni shu bino miqyosida markazlashgan holda tuzish imkonini beradi. Bu material va ish xarajatini kamaytiradi. Tsexdagi ta’mirlash bazasini, elektr jihozlari va elektron tizimi ta`mirlovchi bo'lim, qirindini qayta ishlash va chiqarib tashlash, sovituvchi suyuqliklarn tayyorlash va tarqatish, elektr bilan ta’minlash, issiq havo bilan ta’minlash, tsexdagi havo tozaligini saqlash va mikroklimatni ta’minlovchi tizimlarni tuzish talab etiladi.