Transport tizimi - tashish jarayonida bir-biriga bog‘liq bo‘lgan barcha turdagi transportlar kompleksidir. Hozirgi davr transport tizimi tarkibiga temir yo‘l, dengiz, daryo, avtomobil, havo, quvur orqali yuborgich transporti, shahar transporti va sanoat transporti vositalari ham kiradi. Shahar ichida harakatlanuvchi turli transport komplekslari shahar transporti deyiladi, sanoat korxonalari, qurilish, qishloq xo‘jaligi, savdo va boshqa korxona ichki ishlarini bajaruvchi transportlar sanoat transporti deyiladi. Transportning asosiy ish ko‘rsatkichlari tashilgan yuk hajmi yoki passajirlar soni va bajarilgan yuk yoki passajirlar oborotidir. Barcha transport turlarining ish ko‘rsatkichlari qatoriga yuk yoki passajirlarni tashishda, ularni manzilga yetkazib borish tezligi kiradi.