Yer osti gaz omborlari tabiiy yoki sunʼiy rezervuar bo‘lib, unda katta miqdorda tabiiy gaz saqlanadi. Ular yoqilg‘iga bo‘lgan mavsumiy talab o‘zgaruvchanligini tartiblashda muhim iqtisodiy ahamiyatga ega. Omborlar ko‘pincha neft yoki gaz tugagan bo‘shliqlarda, suvli qatlamlarda yoki konlarning qazilgan yo‘llarida quriladi. Gaz yuqori bosimda siqilgan holda yoki past haroratda suyuq holatda saqlanishi mumkin. Yer osti gaz omborlari gaz ta’minotini ishonchli va xavfsiz qiladi hamda iqtisodiy xarajatlarni kamaytiradi. O‘zbekiston Respublikasida zamonaviy yer osti gaz omborlari muvaffaqiyatli faoliyat ko‘rsatmoqda.