G‘ishtin devorlarga nisbatan yirik bloklardan terilgan devorlarning texnik-iqtisodiy ko‘rsatkichlari yuqori hisoblanadi. Ularning hajmiy og‘irliklari 600-1600 kg/m3gacha bo‘lgan yengil betonlardan tayyorlanadi. Devorlarda joylashgan o‘rniga ko‘ra bloklarni qator bloki, burchak bloki va ravoq bloki kabi turlarga ajratiladi. Qator bloki uzunligi – 990, 1490, 1990 va 2990 mm ga, balandliklarini esa 585, 1185 va 1785mmga teng qilib ishlab chiqiladi. Ravoq bloklarining uzunligi 5990 mm, balandliklari esa 585 mm ga teng bo‘ladi. Bloklarning qalinliklari ishlatilish joylariga ko‘ra 300, 400 va 500 mm qilib olinadi. Bloklardan terilgan devorlarda bloklar ustunlarga “t” shaklidagi moslashuvchan metall ankerlar yordamida qotiriladi. Bunda ankerlarni bir uchini ustma-ust qo‘yilgan bloklar gorizontal choklar o‘rnatilib (kirgizilib), ikkinchi ustun quma elementiga payvand yordamida tutashtiriladi.