Ushbu uslubiy qo‘llanma oliy o‘quv yurtining «Kimyo» fanidan ta’lim oluvchi “Texnologik jarayonlar va ishlab chiqarishni avtomatlashtirish” yo‘nalishi I-bosqich talabalari uchun mo‘ljallangan bo‘lib, qo‘llanmaning asosiy maqsadi talabalarni kimyodan oladigan nazariy bilimlarini mustahkamlash va tajriba yo‘li bilan sinab ko‘rishdan iborat. Laboratoriya mashg‘ulotlarini ma’ruza bilan parallel ravishda o‘tkazilishi mashg‘ulotlarning unumli va foydali bo‘lishiga yordam beradi. O‘tilgan material yuzasidan tajriba o‘tkazilib, unda bayon etilgan fikrlarning to‘g‘riligiga amalda ishonganidan keyingina talaba ma’ruza materialini puxta egallaydi. Shu sababli ushbu uslubiy qo‘llanmada har bir laboratoriya ishidan oldin laboratoriya ishi mavzusiga oid nazariy bilimlar, tajribaning bajarilish tartibi, reaksiya tenglamalari va sinov savollari berilgan.