Planetamizni o‘rab olgan havo qobig‘iga atmosfera deyiladi. Yerning havo qobig‘i esa har xil gazlarning mexanik aralashmasidan iborat. Atmosferaning qalinligi 3000 km ga yetadi. Atmosferaning massasi esa gidrosfera massasidan 100 marta, litosfera massasidan 1000 marta kam bo‘lib, 5,15є10 tonnaga teng. Atmosfera planetamiz uchun ayniqsa, uning biosferasi (organik sfera) uchun jonli organizmning nafas olishi uchun katta ahamiyatga ega. Meteorlar atmosferada qizib yonib ketib, yerga yetib olmadi. Atmosferaning tarkibi asosan azot (78,08%) va kislorod (20,95%) dan iborat bo‘lib unda kamroq miqdorda argon (0,93%), karbonat angidridan (0,03%), geliy, neon, ksenon, kripton, vodorod, ozon, Ammiak, yod, va boshqa gazlar (0,01%) bor.