Detalga konstruktor tomonidan belgilab berilgan aniqlik darajasining ishlab chiqarish jarayonida tо‘liq ta’minlanishi, uning ish qobiliyatining tо‘g‘ri shakillanishi uchun zaruriy omillardan biridir. Tayyorlash texnologik jarayonida shakillanuvchi geometrik kо‘rsatkichlari xatoligini umuman bartaraf qilish mumkin emas va shu sababdan detallarga ishlov berishda doimo ma’lum miqdorda hosil bо‘luvchi xatolik kuzatiladi. Shuning uchun detalning tayyorlanish aniqligi deganda uning о‘lcham, shakli, yuzalarining о‘zaro joylashishida bо‘ladigan xatoliklarning konstruktor tomonidan bu kо‘rsatilgan parametrlar uchun belgilab berilgan miqdoriga moslik darajasi tushuniladi. Detalga ishlov berilganda har bir о‘lcham bо‘yicha ishlov berish unga berilgan qо‘yim(joizlik) asosida amalga oshirilishi kerak. YA’ni ishlov berish texnologik usuli, tayanchlash ishlov berish tartibi, bularning hg‘ammasi detal aniqligiga qо‘yilgan talab asosida belgilanishi kerak.