Elektrokimyoviy o‘lchovli ishlov berish (EKIB) metallning anodli erish hodisasiga asoslanib, elektrodlar orasidagi bo‘shliqdan bosim ostida elektrolit oqimni o‘tkazish orqali amalga oshiriladi. Metalning erish tezligi tok zichligiga to‘g‘ri proporsional bo‘lib, u elektrodlar orasidagi zazor kichik bo‘lganda katta bo‘ladi. Ish jarayonida ish zonasidagi tok zichligi tenglashadi. Ishlov berish jarayonida elektrod-asbob katod, detal esa anod bo‘ladi. EKIB, fizik va mexanik xususiyatlaridan qat’i nazar, barcha toko‘tkazuvchi materiallardan detallar tayyorlash uchun ishlatiladi; bu usul operatsiyalar paytida tashqi va ichki yuzalarga ishlov berishda, shaklli bo‘shliqlarga ishlov berishda, quvurlar, turbin parraklari kabi detallarga, teshiklarga ishlov berishda, jilvirlashda qo‘llaniladi. Bu usulda ishlov berish jarayoni bir vaqtda elektromexanik elektrouchqunli elektrolit (suyuq shishaning suvli eritmasi) ta’siriga asoslangan. Bunda vannadan o‘zgarmas tok o‘tayotganda zagotovka sirti (anod)da erigan metall mahsuloti pardasi hosil bo‘lib, u asbob (katod) bilan mexanik ajratiladi.