Gazeta ommaviy axborot vositalari tasnifida bosh o‘rinni egallaydi va ijtimoiy hayotning barcha tomonlari unda o‘z ifodasini topadi. Shunday bo‘lishiga qaramay, gazeta jamiyat hayotining barcha jihatlarini mufassal, keng va chuqur yoritishga ulgura olmaydi. Chunki kishilik jamiyati hayoti, undagi ijtimoiy-siyosiy, iqtisodiy-ishlab chiqarish, madaniy-ma’naviy muammolar shu qadar keng va chuqurki, bularning barchasini yoritishda gazeta sahifalari torlik qilib qoladi. Shunda unga har jihatdan gazetaga o‘xshagan, ammo gazetadan farqli ravishda jamiyat hayotining chuqur qatlamlariga kirib borib, insoniyatga keng va chuqur ijtimoiy-siyosiy, iqtisodiy-ishlab chiqarish, madaniy-ma’naviy axborot yetkazib bera oladigan