Бетакрор ҳофиз ва созанда, беназир бастакор, меҳрибон мураббий ва устоз деган номларга эл ўртасида сазовор бўлган бу буюк сиймо-академик Юнус Ражабий мусиқий бойлигимизни бутун Ўзбекистон бўйлаб юриб, йиғиб, тўплаб, нота ёзувларига олишда, сайқаллар бериб бойитиб, ўзининг кўпжилдлик (12 жилдли) асарларида:- 5 жилд: “Ўзбек халқ мусиқаси”, 6 жилд: “Шашмақом” ва “Мусиқа меъросимизга бар назар” номли мусиқий рисоласи (аввалги нашрларига тузатиш, тўлдириш ва илова сифатида ёзилган) ва неча юзлаб ўбек классик чолғу куйлари, қўшиқ ва ашулалари, олти ўзбек мақомларининг ижро ёзувларини ҳам: - устозлари, ўзи ва шогирдлари ижроларида бетакрор ижроларини ҳам магнит тасмалари ва катта грамплпстинка дискларига кўчиртириб халқимизга битмас – туганмас бебаҳо меърос қолдириб кетгани ҳар қанча таҳсинга сазовор эди. У ўзбек халқ мусиқий мулкининг забардаст хазинабони, чуқур билимдони ва жонкуяри бўлгани учун бутун миллатимизни неча юзлаб чолғу куйлари-ю, ашула, қўшиқ-у лапари, алла-ю яллалари, мақомларини сақлаб қолгани ва буларнинг ижроси орға...