Ushbu maqolada katta ma’lumotlar (Big Data) bilan ishlash jarayonida tizim xavfsizligini ta’minlash masalalari ko‘rib chiqiladi. Bugungi kunda katta ma’lumotlar sog‘liqni saqlash, moliya, transport, ta’lim va boshqa sohalarda keng qo‘llanilmoqda. Shu bilan birga, bu ma’lumotlarning yig‘ilishi, saqlanishi va uzatilishi jarayonida jiddiy xavfsizlik tahdidlari yuzaga kelmoqda. Maqolada katta ma’lumotlar tizimlariga tahdid soluvchi asosiy xavf-xatarlar, ularni kamaytirish strategiyalari hamda ilg‘or xavfsizlik texnologiyalari tahlil qilinadi. Tadqiqot natijalari ma’lumotlarni himoya qilishda shifrlash, autentifikatsiya, tarmoq xavfsizligi va monitoring tizimlarining samarali integratsiyasi muhim ahamiyatga ega ekanligini ko‘rsatadi.