Axborotlarga ishlov berishning zamonaviy texnologiyalari ko‘pincha ma’lumotlarni jadval ko‘rinishida taqdim etish ehtiyojini keltirib chiqaradi. Jadvalli ma’lumotlarda hisoblash amallarini bajarish formulalarining ishlatilishi katta hajmdagi ma’lumotlar ustida ishlashni qulay holatga keltiradi. Shu maqsadda elektron jadvallar (jadval prossessorlari) - jadval shaklida berilgan turli ma’lumotlarga ishlov beruvchi, umumiy foydalanilanishga mo‘ljallangan amaliy dastur ta’minoti yaratilgan. Elektron jadval katta miqdordagi boshlang‘ich ma’lumotlarni, natijalarni hamda ular orasidagi bog‘lanishlarni (algebrik yoki mantiqiy munosabatlarni) jadval shaklida saqlash imkonini beradi. Boshlang‘ich ma’lumot o‘zgarsa, barcha natijalar avtomat ravishda qayta hisoblanadi va jadvalda akslanadi. Boshlang‘ich ma’lumotlarni o‘zgartirib, olingan natijalarning o‘zgarishini tahlil etish va masalaning yechimlari to‘plamidan eng maqbulini tanlab olish mumkin. Elektron jadvallar nafaqat hisoblarni avtomatlashtiradi, balki turli