Har bir janr o‘ziga xos xususiyatlari bilan boshqa janrlardan farqlanadi. Shu bilan birga, muayyan janr ma’lum qoidalarga ko‘ra ichki bo‘linishlarga ham ega. Odatda, biz ularni «tur» deb ataymiz. Masalan, reportaj janri turlari, intervyu janri turlari. Albatta, sharh janri ham bunday turlarga bo‘linishdan mustasno emas. Sharhni turlarga ajratishda nazariy adabiyotlarda turlicha yondashuvlar uchraydi. Masalan, aks ettirilayotgan voqea va hodisalarga qarab tashqi va ichki sharhlar yoki mahalliy va xalqaro sharhlar, izohlanayotgan mavzusiga ko‘ra ilmiy, rasmiy, lirik, adabiy-badiiy, publitsistik sharhlar bir-biridan farqlanadi.