Sintezni o‘tkazish va reaksion aralashmani tozalash – mahsulot tozaligi va unumni aniqlashning muhim bosqichidir. Sintezni o‘tkazishga kirishishdan oldin boradigan asosiy va qo‘shimcha reaksiyalarni, ularda kuzatiladigan hodisalarni (qizish-sovush, gaz ajralishi va h.z.) aniq bilishi kerak. Sintez texnika xavfsizlik qoidalarini hisobga olgan holda rejalashtirilgan bo‘lishi kerak. Qizdirish bilan o‘tkaziladigan reaksiyalarda uni tezda (bir necha soniya ichida) to‘xtatish imkoniyatlari bo‘lishi kerak. Bu maqsadda qizdiruvchi uskunalarga o‘rnatilgan ko‘targichli tagliklardan foydalanish mumkin. Ekzotermik reaksiyalarni o‘tkazishda reaksion aralashmani asosiy qurilmaga biriktirilmagan sovituvchi hammom yordamida tezda va samarali sovutish imkoniyatlari bo‘lishi lozim. Reaksiyani magnitli aralashtirgichda aralashtirish bilan olib borishda termik barqaror shishadan ishlangan, yetarlicha qalinlikdagi, aralashtirishdagi tezlikka chidamli (yelkancha (якор) kolbani sindirish xavfini kamaytirish) stakan va kolbalardan foydalaniladi. Har qanday holatda ham erituvchi va reagentlarni kolbaga solishdan oldin yelkanchani bo‘sh kolbaga solib aralashtirgichni aylantirib (zarbalarsiz) ko‘rish kerak. Harakatlanayotgan magnitli aralashtirgich ustidagi kolbaga yelkanchani solish mumkin emas! Yelkancha kolba devoriga urilmadan.