Jamoa va fermer xo‘jaliklari tomonidan go‘sht korxonalariga hayvonlarni va parrandalarni topshirish oldindan kelishilgan shartnoma asosida amalga oshiriladi. Bu shartnomaga muvofiq topshirish vaqti, hayvonning turi, yoshi va semizlik toifasi hisobga olinadi. Mollarni qabul qilish paytida ularning hujjatlari tekshirilib, keyin esa veterinariya-sanitariya nazoratidan o‘tkaziladi. Mollarni tarozida tortish paytida umumiy tirik vaznidan ichak va qorinning ichidagi narsalarning hisobiga 3 % skidka qilinadi. Agar mollar avtotransport yordamida 50-100 masofadan olib kelinsa 1,5%, 100 km masofadani oshiq joydan olib kelinsa tirik vazni hisobiga skidka qilinmaydi. Mollarni qabul qilish paytida ikkinchi davr bo‘g‘ozligi aniqlansa, 3 % dan tashqari yana 10 % skidka qilinadi. Kasal va kasallikka gumon qilingan mollar aniqlansa, ular karantin bo‘limiga yuborilib u yerda ularning holati kuzatib boriladi. Hayvonlar uzoq masofadan olib kelinish paytida yo‘lda toliqadi, charchaydi bu holatlar ko‘pincha haydab kelingan mollarda bo‘ladi.