Model - bu real obʼektni almashtirishi mumkin bo‘lgan, tadqiqot va tajriba o‘tkazish uchun qulay va arzon bo‘lgan boshqa bir obʼektdir. Model lotincha “modulus” so‘zidan olingan bo‘lib, o‘lchov va namuna maʼnosini bildiradi. Matematik model - real obʼektni tasavurimizdagi abstrakt ko‘rinishi bo‘lib, u matematik byelgilar va qonun-qoidalar bilan ifodalangan bo‘ladi. Modellashtirishdan maqsad tashqi muhit va o‘zaro aloqada bo‘lgan obʼektlar haqidagi maʼlumotlarni olish, ishlatish, tasvirlash va qayta ishlashdir. Bu o‘rinda model esa obʼekt holati xossalari va qonuniyatlarini o‘rganish uchun vosita sifatida ishtirok etadi. Modellashtirish inson faoliyatining turli sohalar keng ishlatiladi. Asosan olingan maʼlumotlar bo‘yicha samarador yechimlar qabul qilish jarayonida, loyihalash va boshqarish sohalarida modellashtirish ko‘p qo‘llaniladi. Model har doim maʼlum bir maqsadda quriladi, masalan, uning qaysi bir xossasi obʼektiv jarayonga taʼsir etishi muhim rol o‘ynaydi yoki qaysilari muhim rol o‘ynamaydi. Mazmuni matematik tushunchalarni tabiiy va ijtimoiy fanlarda, texnikada qo‘llashdan iborat bo‘lgan ilmiy bilimlarni matematikalashtirish zamonaviy davr udumi hisoblanadi. Ko‘pincha u yoki bu fanning rivojlanish darajasi ham matematik usullarni qo‘llash darajasi bo‘yicha ham.