To‘g‘ri chiziq eng oddiy geometrik shakl hisoblanadi. Bir-biridan farqli ikki nuqta orqali faqat bitta to‘g‘ri chiziq o‘tkazish mumkin. To‘g‘ri chiziqning ikki nuqta bilan chegaralangan qismi shu to‘g‘ri chiziq kesmasi deyiladi. To‘g‘ri chiziqlar a, b, c kabi yozma harflar bilan belgilanadi. To‘g‘ri chiziqning proyeksiyalar tekisliklardagi proyeksiyalari holatini uning ikki ixtiyoriy nuqtasining proyeksiyalari aniqlaydi.