Potensiallar usuli transport masalasini yechish uchun qo‘llangan birinchi aniq usul bo‘lib, u 1949 yilda sovet olimlari L. V. Kantorovich va M.K. Gavurin tomonidan yaratilgan. Bu usulning asosiy g‘oyasi transport masalasiga moslashtirilgan simpleks usuldan iborat bo‘lib, birinchi marta chiziqli programmalash masalalarini yechish usullariga bog‘liq bo‘lmagan holda tasvirlangan. Keyinroq xuddi shunga o‘xshash usul Amerika olimi Dansig tomonidan yaratildi. Dansig usuli chiziqli rpogrammalashning asosiy g‘oyalariga asoslangan bo‘lib, Amerika adabiyotida bu usul modifitsirlangan taqsimot usuli deb yuritiladi. Potensiallar usuli yordami bilan boshlang‘ich tayanch plandan boshlab, optimal yechimga yaqinroq bo‘lgan yangi tayanch planlarga o‘tib borib, chekli sondagi iteratsiyadan so‘ng masalaning optimal yechimi topiladi. Har bir iteratsiyada topilgan tayanch plan optimal plan ekanini tekshirish uchun har bir ishlab chiqaruvchi (Ai) va iste’mol qiluvchi (Bj) punktga uning potensiali deb ataluvchi miqdor ui va vj mos qo‘yiladi. Bu potensiallar shunday tanlanadiki, bunda o‘zaro bog‘langan Ai va Bj punktlarga mos keluvchi.