Yopmalar binolarning ichki fazosini qavatlarga bo‘lib turuvchi gorizontal to‘siq konstruksiyalardir va bino bahosining o‘rtacha 20 foizini tashkil qiladi. Yopmalarni yerto‘la (yarim yerto‘la), sokol, chordoq, va qavatlararo yopmalar deb turib ajratish mumkin. Turli yopmalar turli xil ta’sirlar ostida ishlaydilar va bu ta’sirlar yopmaning konstruktiv yechimini belgilaydi. Qavatlararo yopmalar funksional vazifasi va muhiti bir-biriga yaqin qavatlarni ajratib turadilar. Yopmalarga bo‘ladigan kuchsiz ta’sirlardan havo va zarba shovqinlari qavatlararo yopmalarning konstruktiv yechimlariga ko‘proq ta’sir ko‘rsatadi. Ular spesifik ta’sirlarga ham ega bo‘lishi mumkin. Yopmalarning konstruksiyalari yuk ko‘taruvchi elementlar, izolyatsiya qatlami, pol va shift bilan yaratiladi. Olovbardoshlik darajasi I daraja bo‘lgan binolarda yopmalar konstruksiyasidagi yuk ko‘taruvchi elementlarning yong‘inga qarshi talablarga mos kelishi lozim.