Plastik deformatsiya atomlarning qaytmas siljishi natijasida vujudga keladi. Kristall strukturalarida atomlarning bunday siljishlari ko'p hollarda plastik deformatsiyaning asosiy atomli mexanizmi hisoblanadigan dislokatsiya harakati natijasida sodir bo'ladi. Sirt yuzalarini dumalatib va yoyib puxtalash zoldir va roliklar yordamida amalga oshiriladi, ular ishlov berilayotgan detal sirti bilan dumalaydigan juftlik hosil qilib, sirtni deformatsiyalaydi. Dumalatib puxtalash tashqi yuzalarga, yoyib puxtalash ichki yuzalarga ishlatiladi.