Kichik guruhlar o'zlariga nom tanlaydilar va guruh sardorini saylaydilar. Guruhga topshiriqlarning mazmuni va mohiyati tushuntiriladi. O'qituvchi tomonidan bir nafar talaba ekspert sifatida tayinlanadi. Ekspert, guruhlar tomonidan to'plangan ballarni jamlab, e'lon qilib boradi. Darsning texnologik xaritasi: Har bir guruh vakili moliya tizimiga oid yangiliklar aytadi, har bir yangilik asoslanadi va ekspert tomonidan ball beriladi. Guruh sardori saylanadi, guruh sardorlari o'rtasida "Blits" tezkor savol-javob musobaqasi o'tkaziladi. Guruhlar o'zaro bir-birlariga navbat bilan mavzuga oid uchtadan savol beradilar. Har bir guruh talabalariga jadval ma'lumotlari beriladi, jadval ma'lumotlaridan foydalanib masalani ishlash topshirig'i beriladi. Dars davomida o'rgangan tayanch atamalar mustahkamlanadi.