Kompetentsiyaning ko‘plab talqinlari bilan bog‘liq holda uning yagona haqiqiy ta’rifini shakllantirish mushkul. Amaldagi barcha lug‘atlar, jumladan, “O‘zbekiston milliy entsiklopediyasi” va “O‘zbek tilining izohli lug‘ati” dagi ta’rif (u yoki bu sohadagi bilimlar, tajriba) “kompetentsiya” va “kompetentlik” tushunchalarini chegaralab qo‘yadi. Ushbu atamaning mazmun va mohiyatini pedagog, psixolog, iqtisodchi va metodist olimlar tomonidan turlicha talqin etiladi. Rus tadqiqotchisi N.I.Mayorova “bu bilan bog‘liq bo‘lgan muammo psixolingvistika nuqtai nazaridan izohlanadi: "kompetentsiya" tushunchasi ramziy ma’noga ega bo‘lib, haqiqatan ham mavjud ob’yektlar bilan bog‘liq emas va shuning uchun ularni aslida ko‘rsatib bo‘lmaydi. Boshqa tomondan, ushbu tushuncha har qanday bilim sohasi uchun universal, shuning uchun uning yagona, mutlaqo to‘g‘ri ta’rifini yaratish deyarli mumkin emas” , – deb biladi. Ushbu tushunchalarni ilmiy-nazariy jihatdan ajratish haqidagi ba’zi konstruktiv fikrlarni B.I.Hasan asarlarida keltirilgan: “Kompetentsiya – bu da’vo qilingan yoki erish