Didaktika pedagogikaning ta'lim jarayonining umumiy qonuniyatlarini o'rganadigan bo'limdir. Didaktika grekcha so'z bo'lib, "didasko"- o'qitish, "didaskal" - o'rgatuvchi, degan ma'noni bildiradi. Ta'lim nazariyasi quyidagi masalalarni: ta'lim jarayonining mohiyati, ta'lim mazmuni, ta'lim qoidalari, ta'lim metodlari, ta'limni tashkil etish shakllari hamda ta'limda o'quvchilarning bilim, ko'nikma, malakalarini hisobga olish va baholash kabilarni o'z ichiga oladi. Bu masalalarning har birini alohida mavzu sifatida keyingi darslarda o'rganamiz. Didaktikaning asosiy maqsadi, vazifasi o'qituvchini ta'lim jarayonida yordam berish va o'quvchilarni rivojlantirishdir.