Didaktika pedagogikaning ma'lumot olish, ta'lim va tarbiya nazariyasi bo'yicha sohasidir. Didaktika maktab o'quvchilarini ma'lumotli qilish vazifalariga va shu ma'lumot mazmuniga o'quvchilarning bilimlarini o'zlashtirish va ko'nikmalar hosil qilish jarayoniga, ta'lim prinsiplari, usullari va uni tashkil etishga oid barcha masalalarni o'rgatadi. Didaktika atamasi dastlab, aksar XVII asrda Chex pedagogi Ya.A.Komenskiy tomonidan ishlatilgan. U "Buyuk Didaktika" asarida (1657) didaktikaning asosiy masalalarini ishlab chiqdi. XIX asrning o'rtalaridan didaktika pedagogikaning alohida sohasi sifatida ko'p mamlakatlarda o'rganilish boshladi.