O’quv jarayonida tajriba o’tkazish talabalardan katta bilim va malaka talab qiladi. Tajriba o’tkazishni shartli ravishda ma’lum kattaliklarni o’lchash va hisoblash ishlarini bajarishdan iborat bo’lgan ikki qismga ajratish mumkin. Birinchidan, talabalar tajriba o’tkazishda ma’lum fizik kattaliklar bilan ish ko’rar ekan ularning o’lchamliklarini bilishi, fizik asboblardan foydalana olishi, tajriba natijalarini hisoblashda xatoliklarni aniqlay olish zarur. Ikkinchidan talabalar tajriba natijalarini to’g’ri tahlil qilishi uchun olgan bilimlarini qo’llay bilishi, fikrlash, xulosa chiqarish, xodisalarni tushunish, tasavvur qilish, erishgan natijalaridan zavqlana olish qobiliyatlariga ega bo’lishi kerak. Chunki laboratoriya mashg’ulotlari, ya’ni, tajriba o’tkazishdan maqsad nazariy bilimlarni amalda sinab ko’rish, xodisalarni tajriba natijalari asosida baxolash, xulosa chiqarishdir. Biz bu yerda birliklar, o’lchamlik, o’lchov asboblari, xatoliklar nazariyasi va taxlil qilish xaqida qisqacha to’xtalib o’tamiz. Fizik xodisalar va ulardagi qonuniyatlarni o’rganish hamda ulardan texnikada va xayotda foydalanish jarayonida fizik kattaliklarni o’lchash zaruriyati tug’iladi. Biror kattalikni o’lchash bu shartli ravishda birlik qilib