Kommunikatsiya bu odamlar o‘rtasida axborot, fikr, his-tuyg‘ular va tajriba almashinuvi jarayonidir. Bu jarayon shaxslararo munosabatlarning asosi bo‘lib, ayniqsa pedagogik faoliyatda juda muhim rol o‘ynaydi. O‘qituvchi va o‘quvchi o‘rtasidagi samarali aloqa ta’lim-tarbiyaning muvaffaqiyatli amalga oshishiga xizmat qiladi. Kommunikatsiyaning bir necha asosiy metodlari mavjud. Eng keng tarqalgan usul bu verbal, ya’ni og‘zaki muloqotdir. Masalan, dars jarayonida o‘qituvchining tushuntirishi, savol-javob qilishi yoki fikr bildirishi og‘zaki muloqot shakliga kiradi. Neverbal, ya’ni og‘zaki bo‘lmagan muloqot esa tana harakatlari, imo-ishoralar, ko‘z qarashi, yuz ifodasi orqali axborot uzatishni anglatadi. Masalan, o‘qituvchi o‘quvchiga qo‘li bilan ishora qilib jim turishini bildiradi. Yozma muloqot shakli esa og‘zaki bo‘lmagan, lekin yozuv orqali axborot uzatish vositasidir, masalan, s...