MTTda ota-onalar bilan samarali hamkorlik qilish tarbiyaviy jarayonning muhim qismidir. Ota-onalar yig‘ilishlari, ochiq eshiklar kuni, maslahatlar va ota-onalar bilan individual suhbatlar orqali bolalar tarbiyasi va rivojlanishi bo‘yicha ma’lumotlar almashiladi. Mahalla faollari, nuroniylar, profilaktika inspektorlari, xotin-qizlar qo‘mitasi a’zolari bilan hamkorlikda davra suhbatlari, tadbirlar o‘tkaziladi. Bu orqali bolalarning ijtimoiy hayotga moslashuvi osonlashadi. Ma’naviy-ma’rifiy tadbirlar (Navro‘z, Mustaqillik kuni va boshqalar), sport bayramlari, ekotadbirlar oila va jamoatchilik vakillari ishtirokida o‘tkaziladi. Bolalarning rivojlanishini baholashda ota-onalar bilan fikr almashish, ularning taklif va mulohazalarini inobatga olish samaradorlikni oshiradi. Shuningdek, tarbiyachilar tomonidan ota-onalarga pedagogik-psixologik maslahatlar beriladi.