Mazkur malakaviy pedagogik amaliyot boshlang‘ich ta’lim yo‘nalishidagi talabalar uchun mo‘ljallangan bo‘lib, matematika, ona tili, tabiatshunoslik, texnologiya va pedagogik mahorat kabi fanlar bo‘yicha nazariy bilimlarni amaliyotda qo‘llash imkonini beradi. Amaliyot davomida talabalarga umumiy o‘rta ta’lim muassasasining ijtimoiy va ta’lim muhiti bilan tanishish, pedagogik va tarbiyaviy faoliyat ko‘nikmalarini shakllantirish, mediasavodxonlik va kommunikativ qobiliyatlarni rivojlantirish, shuningdek, ta’lim muassasalarining me’yoriy hujjatlari bilan ishlash ko‘nikmalari beriladi. Amaliyot 16 akademik haftani o‘z ichiga oladi va talabalar 100 ballik tizimda baholanadi.