Mehmonxona binolari odamlarning qisqa vaqt davomida yashashlari va shunga maishiy-madaniy talab asosida xizmat ko‘rsatish maqsadlarida quriladi. Inshootlar barcha turdagi zaruriy kommunal qulayliklar bilan jihozlangan va zamonaviy KMKga asoslangan xizmat ko‘rsatish majmuai bilan ta’minlangan bo‘lishi zarur. Mehmonxonalar shaharlarda, ishchilar yashaydigan posyolkalarda va qishloq joylarda quriladi. Maxsus mehmonxonalar qurilishi keng tarqalib, ularga sayyohlik turistik, oromgohlar, mehmonxonalari, sportchilar uchun mehmonxonalar va boshqalar kiradi. Mehmonxonalarning tasniflanishi (klassifikatsiyasi) komfortliligi, sig‘imi va texnik jixozlanganligi, shuningdek, taklif etiladigan xizmat ko‘rsatish hajmiga qarab O‘zbekistonda va xalqaro maydonda mehmonxonalar 5 qurilish razryadiga bo‘linadi. Razryadni aniqlashdagi asosi mezon kriteriy mehmonxona xonasi bo‘lib, uning sifati o‘z navbatida xonaning komfortliligi darajasiga bog‘liq. Bunda komfortning jixozlanganlik darajasiga, maydoniga, o‘rinlar soniga, mebelga, ta’mirlanish darajasi va boshqalarga ko‘ra aniqlanadi.