Pedagogik jarayon o’z mazmuni va vazifalariga ko’ra “Ijtimoiy pedagogik faoliyat” deb nomlanadi. Jamiyatimiz orasida ijtimoiy kelib chiqish ahvoli, dini, irqi, millati, yoshi va boshqa mezonlar bo’yicha turli insonlar yashaydi. Shu jumladan Mehribonlik uyida ham sanab o’tilgan toifalarning barchasiga taaluqli bolalar va o’smirlar mavjud. Demak, Mehribonlik uyini ijtimoiy institut sifatida tavsiflasak, u yerda tashkil etiluvchi barcha jarayonlarda davlatning insonparvarlik siyosati aks etadi. Bizning O’zbek millati azaldan ota-ona qarovisiz qolgan bolalarga alohida mehr bilan turlicha yondashuvlardagi qo’llab quvvatlashlar orqali munosabatda bo’ladilar.