Muloqot inson hayoti va faoliyatining muhim shartidir. Muloqot yordamida insonlar tabiatini o’zlashtirish va o’z individual ehtiyojlarini qondirish uchun birgalikda harakat qilish imkoniyatiga ega bo’ladilar. Muloqot kamida ikki kishining o’zaro ta’sir jarayoni bo’lib, bu ta’sir davomida axborot almashinadi, munosabat o’rnatiladi, rivojlantiriladi. Kommunikatsiya-tirik va o’lik tabiatdagi tizimlar o’rtasida axborot almashinuvi anlatadi. Kommunikativ jarayonda qo’llaniladigan bir necha belgilar tizimi mavjud. Ular verbal kommunikatsiya (nutq orqali) va nonverbal (nutq bilan bog’liq bolmaydigan belgilar orqali) kommunikatsiyadir. Inson nutqi belgilar tizimi sifatida qo’llaniladi. Nutq – inson tomonidan qo’llaniladigan tovush signallari yoki yozma belgilardan iborat bo’lib, ular orqali muloqotdan olingan ma’lumot qayta ishlanadi, saqlanadi va uzatiladi. U jarayon til orqali amalga oshiriladi. Til so’z belgilari tizimi bo’lib, u muloqot jarayonida psixik faoliyat mahsuli bo’lib yuzaga keladi. Verbal kommunikatsiya. Boshqa kishiga axborot beruvchi (kommunikator) va uni qabul qiluvchi (retsipient) muloqot jarayonida bir xil tildan foydalanishi.