"O‘zbek tili va adabiyotini o‘qitish metodikasi" fanini o‘qitishdan maqsad – talabalarda o‘qitishning eng qulay va zamonaviy metodlarini ta’limning turli bosqichlarida qo‘llay olish to‘g‘risidagi, ona tili va adabiyot o‘qituvchisining kasbiy faoliyatiga doir dastlabki bilim, ko‘nikma va malakalarni shakllantirish; bo‘lajak o‘qituvchilarga qo‘yiladigan kasbiy talablar asosida ona tili fanini zamon talablari darajasida o‘qitishning samarali shakl va usullari, metodlari hamda texnologiyalari haqidagi nazariy bilimlarni o‘zlashtirish, ularni amaliyotga tatbiq qilishning pedagogik-metodik imkoniyatlarini yoritishdan iborat.