Pedagogik jarayonda shaxslararo munosabatlar ta’lim va tarbiya samaradorligini belgilovchi asosiy omillardan biridir. O‘qituvchi va o‘quvchi, o‘quvchilar o‘zaro, shuningdek, ta’lim muassasasidagi barcha ishtirokchilar o‘rtasidagi munosabatlar mazmuni ta’lim jarayonining samaradorligi va ijtimoiy-psixologik muhitning sog‘lom bo‘lishiga katta ta’sir ko‘rsatadi. Shaxslararo munosabatlarning ijobiy yo‘nalishda shakllanishi o‘quvchining motivatsiyasi, faolligi va intellektual salohiyatini rivojlantirishga xizmat qiladi, salbiy munosabat esa o‘quvchida o‘qishga nisbatan sovuqlik, befarqlik va ruhiy tushkunlikni keltirib chiqarishi mumkin. Pedagogik jarayonda shaxslararo munosabatlar avvalo o‘qituvchi va o‘quvchi o‘rtasidagi muloqot orqali namoyon bo‘ladi. O‘qituvchining mehribon, adolatli, talabchan, lekin qo‘llab-quvvatlovchi munosabati o‘quvchida ishonch va hurmat hissini uyg‘otadi. O‘qituvchining salbiy, qo‘pol yoki befarq munosabati esa o‘quvchilar bilan psixologik masofani oshiradi, natijada bilim olish jarayonida qiyinchiliklar yuzaga keladi. Shuningdek, o‘quvchilar o‘rtasidagi shaxslararo munosabatlar ham ta’lim muhitining muhim tarkibiy qismi hisoblanadi. Sinf jamoasida do‘stona, o‘zaro hurmat va hamkorlikka asoslangan munosabatlar shakllansa, ta’lim ju.