Pedagog kadrlarni attestatsiyadan oʻtkazish uchun pedagogik mahorat yo‘nalishining test spetsifikatsiyasi hozirgi kundagi global oʻzgarishlar, fan-texnika va axborot-kommunikatsiya texnologiyalarining kun sayin rivojlanib borishi XXI asr oʻqituvchisidan pedagogik mahoratni, oʻtkir irodani, pedagogik-psixologik bilimlarni, oʻz fanini chuqur bilishni va yuksak tafakkurni, siyosiy savodxonlikni, fikrlash doirasi keng va mulohazali boʻlishni talab qiladi. Taʼlim muassasalarida faoliyat koʻrsatayotgan fan oʻqituvchilari oʻqitish shakllarini optimal darajada tashkil etishni, barkamol shaxsni shakllantirish nazariyasini turli yangi gʻoyalar bilan boyitishni puxta bilishi lozim. Pedagogik mahoratga ega boʻlish, oʻqituvchi uchun taʼlim-tarbiya samaradorligini taʼminlovchi zamin boʻlibgina qolmasdan, ayni vaqtda, uning jamiyatdagi obroʻ-eʼtiborini ham oshiradi, oʻquvchilarda unga nisbatan hurmat yuzaga keladi. Kasbiy mahoratni oshirish yoʻlida amaliy harakatlarni tashkil etish pedagogik faoliyatda yoʻl qoʻyilgan yoki qoʻyilayotgan xatolardan holi boʻlish, oʻquvchilar, hamkasblar hamda ota-onalar bilan munosabatda muvaffaqiyatlarga erishish imkoniyatini yaratadi. Oʻz davrlarida Abu Nasr Forobiy, Yusuf Xos Hojib, Saʼdiy Sheroziy, Abu Rayxon Beruniy, Abu Ali ibn Sino, Alisher Navoiy, Husayn voiz Koshifiy, Abdulla Avloniy va boshqalar oʻz asarlarida oʻqituvchilik kasbi, uning mashaqqatlari, shuningdek, oʻqituvchi shaxsi