Tálim sapası haqqında ulıwma túsinikler, tálim sapasın qadaǵalawdıń túrleri hám kompleks sisteması, tálim sapasın qadaǵalaw mámleket inspekciyası. Tálim sapasın qadaǵalaw - tálim procesiniń joqarı dárejesin qadaǵalaw hám támiyinlewge qaratılǵan ilajlar hám tártipler sisteması. Tálim sapasın qadaǵalawdıń mánisi hám maqseti. Tálim sapasın qadaǵalaw, tálim shólkemindegi tálim procesin, tálim teoriyalerina muwapıq jaǵdayın úyreniw hám ózgertiw ushın qollanılatuǵın bir neshe usıllar hám mexanizmlerdi óz ishine alǵan pedagogikalıq hám psixologiyalıq talqılaw bolıp tabıladı. Tálim sapasın qadaǵalaw tálim shólkemindegi tálim procesiniń zárúrli uqsas qásiyetlerin úyreniw, muwapıqlastırıw, optimallastırıw, biriktiriw hám tálim procesin qadaǵalaw ushın qollanıladı. Tálimdi qadaǵalawda qarama-qarsılıqlı qarawlardıń tuwıliwin ullı pedagog Ya. A. Komenskiy da aytıp ótken edi. Ol pedagoglardı ózleri iye bolǵan qadaǵalaw huqıqınan aqıl menen paydalanıwǵa shaqırǵan. Tálim alıwshılarǵa salıstırǵanda qadaǵalawdıń obiektiv bolıwına erisiw didaktik sistemalardıń tiykarında jatadı. Ilimpazlardıń atap ótiwishe, demokratlasqan tálim sistemasında júzeki (formal) qadaǵalaw bolmawı kerek. Didaktik qadaǵalaw oqıtıwdıń ayrıqsha metod