Ta'lim va mehnat insonning maqsadga muvofiq ijtimoiy foydali faoliyati sifatida tanimlanadi. Ta'lim berayotgan va mehnat qilayotgan kishi o'zi bajarayotgan ishning natijalarini ko'rsa, his qilsa, o'sha natijalardan qoniqsa, rohatlansagina mehnat tarbiyaviy ahamiyat kasb etadi. Halol mehnat, kishi hayotining mazmunini tashkil qiladi va insoniyatning yashashi uchun zarur bo'lgan moddiy va ma'nviy ne'matlar yaratilishi uchun muhimdir. Ta'lim, bilim berish, malaka va ko'nikmalar hosil qilish jarayoni, kishini hayotga va mehnatga tayyorlashning asosiy vositasi sifatida ifodalangan. Ta'limning mazmuni va mohiyati jamiyatning moddiy va madaniy taraqqiyoti darajasi bilan belgilanadi, ijtimoiy munosabatlar, umumiy ma'lumotga bo'lgan ehtiyoj va kishilarning kasbiy tayyorgarligiga ta'sir qiladi.