Biz bitta atama bilan talqin etayotgan sharh rus jurnalistikasida va ayrim o‘zgarishlar bilan milliy jurnalistikamiz nazariyasida uch xil ma’noda keladi. Sharh (kommentariy) – maqola, obzor va boshqa tahliliy janrlardan farqlanadi. Zero, unda auditoriyaga allaqachon ma’lum bo‘lib ulgurgan biror hodisa tahlil etiladi va mazkur tahlilda o‘sha voqeaga munosabat ustuvorlik qiladi. Biz bundan oldingi mavzuda ko‘rib chiqqan misollar – kommentariydir. Sharh (obozreniye) – avvalo, turli xil yangi voqea va hodisalar bayonidan iborat bo‘lib, kommentariydan farqli ravishda unda zamonaviy ijtimoiy munosabatlar, o‘zaro aloqalardan darak beruvchi jarayon va voqealar, qay darajada muhimligidan qat’i nazar, muayyan ahamiyatga ega bo‘ladi. Bu turdagi sharhda ma’lum sohada aniq bir vaqt davomida yoki ma’lum hududda (maktabda, tashkilotda, shaharda) sodir bo‘lgan voqealar manzarasi aks etadi. Muallif nega aynan shu voqeani qalamga olganini asoslab beradi. Bu turdagi sharhning informatsion va tahliliy ko‘rinishlari o‘zaro farqlanadi. Kundalik nashrlardagi xalqaro mavzuda yoziladigan sharh