Qodirbek 5 yoshda patronaj hamshirasi reja asosida uning xonadoniga universal xizmatni ko‘rsatish uchun tashrif buyurdi. Xonadonga kelish uchun tayyorgarlik ko‘rish davridi, avvalgi tashrif vaqtida qayd etilgan yozuvlar bilan tanishdi, oldingi tashrifda bolaga e’tiborsizlik, qo‘pollik va zo‘ravonlik tahlikasi bo‘lishi mumkin bo‘lgan shubhali holati qayd etilganligi, lekin tibbiy xulosalarida tasdiqlanmagani bois progressiv rejaga o‘tkazilmaganligini, bu galdagi tashrifda shu holatni qayta baholashda e’tibor berishi lozimligini o‘ziga belgilab qo‘ydi. Biroq, oxirgi oyda Qodirbekni amakisi bir oy oldin ruhiy kasallik dispanseridan chiqqani haqida maxalla faollaridan eshitgan edi, ona bilan suhbat jarayonida, bu ma’lumotni to‘g‘ri ekanligiga ishonch hosil qildi. Shu bois bu safar bolaga nisbatan e’tiborsizlik, qo‘pollik va zo‘ravonlik holatini chuqurroq o‘rganish uchun universal model bo‘yicha yo‘riqnomalarni baholagandan so‘ng 10- yo‘riqnomadagi savollarga qadamma-qadam o‘tishni boshladi. Patronaj hamshirasi ona bilan suhbatda quyidagilarga e’tibor berdi: onasi ertalabdan kechgacha ishda, bolani esa bog‘chaga joylashtira olmadi. Qodirbekni amakisi ruhiy kasalxonadan chiqqanidan so‘ng o‘zini yaxshi his qilayotgani bois, bolani amakisi bilan uyda qoldirib ota va ona ishga ketadi.