Yoshlar axloqida u yoki bu deviatsiyaga moyillikni aniqlashning universal metodikasi "Og‘ishgan xulqqa moyillikni tashhis qilish metodikasi" hisoblanadi. U yetti shkaladan iborat. Ijtimoiy xohishga yo‘naltirish shkalasi – 15 band, Meyo’r va qoidalarni buzishga moyillik shkalasi – 17 band, Addiktiv axloqqa moyillik shkalasi – 20 band, O‘z o‘ziga zarar keltiruvchi va o‘z-o‘zini parchalovchi axloqqa moyillik shkalasi – 21 band, Tajovuzkorlik va zo‘ravonlikka moyillik shkalasi – 25 band, Hissiy reaksiyalan ixtiyoriy nazorat qilish shkalasi – 15 band, Delinkvent axloqqa moyillik shkalasi – 20 band. Shuningdek, bu so‘rovnoma Yoshrlarning harakatga keltirish, g‘ayritabiiy tarzda fantaziya qilish va xobbi, jinsiy deviatsiya, dismorfobiyaga moyilligini ham baholash imkonini beradi. Umuman olganda so‘rovnoma 98 ta bir-birini takrorlamaydigan bandni o‘z ichiga oladi (erkak jinsidagi shaxslar uchun variant keltirilmoqda).