Ushbu maqolada xalq og‘zaki ijodiga mansub bo‘lgan o‘zbek xalq maqollarida Vatan konsepti dominantasi bilan kelgan maqollar tahlil qilinadi. O‘zbek va ingliz tilidagi xalq maqollarida Vatan konsepti muhim ahamiyat kasb etadi. Bu ikki xalq maqollarida Vatanni qiyoslash va o‘xshatish usullarida farqlar ko‘zga tashlanadi. Bu xalq mental xususiyatlari bilan bog‘liq factor hisoblanadi. Maqolamizda ayni shu farqli va o‘xshash jihatlar e’tiborga olinib tahlilga tortilgan. Lingvokulturologiya fani antroposentrik tilshunoslikning bir tarmog‘I sifatida hali o‘zbek tilshunosligi tarixida o‘zining yangiligini saqlab turibdi. Konsept borasidagi tadqiqotlar bu fanning asosiy o‘rganish obyektini tashkil qilmoqda. Konseptlar milliy madaniyatning tilda aniq va keng aks ettira oladigan birlik sifatida tahlilga tortilayotgani esa tilshunoslik uchun yaxshi natijalar bermoqda. O‘zbek xalq maqollari mavzu jihatdan rang barang ekanligi hammamizga ma’lum. Ana shu mavzu doirasidan kelib chiqqan holda maqollardagi konseptual xilma-xillikni ham e’tibordan chetda qoldirmaslik kerak.