Motiv – inson xulq-atvorining ichki barqarorligidir. Motivatsiya esa xulq-atvorni psixologik va fiziologik boshqarishning dinamik jarayoni bo‘lib, uni tashabbus, yo‘nalganlik, tashkilotchilik, qo‘llab-quvvatlash kiradi. Motivirovka deganda inson xulq-atvorini tushuntirish bo‘lib, unda «Nima uchun?», «Qanday maqsad bilan?», «Qanday ma’noda?» kabi savollarning motivatsiyasiga bog‘liqligidir. Inson ehtiyojlari, maqsadi, istagi, qiziqishlari shaxsiy holatlardir. Ehtiyoj – bu organizmni normal mavjud bo‘lishi bilan bog‘liq holatdir. Amerikalik psixolog A. Maslou «Inson ehtiyojlarini ierarxiya tizimlari»ni quyidagicha tavsiya etadi: 1) Fiziologik ehtiyojlar – ochlik, chanqash, jinsiy hoxish. 2) Xavfsizlik ehtiyoji – o‘zini himoyada sezish, qo‘rquvdan holi bo‘lish. 3) Hurmatda bo‘lish ehtiyoji – muvaffaqiyatga erishish, obro‘ga ega bo‘lish. 4) Bilim ehtiyojlari – ko‘p bilishga intilish, tushunish, tadqiq qilish. 5) Estetik ehtiyojlar – go‘zallikka, tartibga intilish. 6) O‘z-o‘zini aktuallashtirish, o‘z qobiliyatlarini namoyon qilish, o‘z shaxsini rivojlantirish ehtiyoji.