Korrektsiya atamasi qisman tuzatish yoki o‘zgartirish maʼnosini anglatadi. Psixologik korrektsiya shaxs psixikasida, xulqida, organik tabiatga ega bo‘lmagan, yoki shaxs ilk hayot davrilarida kelib chiqib, turgʼun xususiyatlarga aylanib ulgurmagan kamchiliklarni bartaraf etishga yo‘naltirilgan, psixologik taʼsir usul va vositalari yordamida amalga oshiriladigan, chora-tadbirlar majmuasini o‘z ichiga oladi. Psixokorrektsion tadbirlar mijozlar bilan o‘tkazilgan kompleks psixologik diagnostika natijalari asosida o‘tkaziladi.