XVII век психологлари психикага бўлган қарашларнинг тубдан ўзгариши даври сифatида намоён бўлади. Психологик фикр тараққиётидаги янги даврни "фанлар маликаси" бўлиб ҳисобланган механика таъсирида пайдо бўлган концепциялар очиб берди. Француз математиги, табиатшунос ва файласуфи Декартнинг исми билан психология тарихидаги ғоят муҳим босқич боғланади. Айнан у ўзининг онг ҳақидаги таълимоти билан Аристотелнинг руҳ ҳақидаги таълимотидан психика тўғрисидаги тушунчаларнинг ажралиб чиқиши учун асос яратди.