Dinshunoslik fanining asosiy maqsadi din, uning turli shakllari, ta’limotlari, yo‘nalishlari, mazhablari, inson va jamiyatdagi o‘rni haqida to‘g‘ri ilmiy xulosalar chiqara oladigan, diniy va dunyoviylik munosabatlarini asosli tahlil qila oladigan to‘g‘ri dunyoqarashni shakllantiradi. Bunda O‘zbekiston Respublikasi Konstitutsiyasi, “Vijdon erkinligi va diniy tashkilotlar to‘g‘risida”gi Qonun, Jinoyat, Fuqarolik, Oila kodekslaridagi din va vijdon erkinligi haqidagi ko‘rsatmalar, qoidalar dasturulamal bo‘lib xizmat qiladi. Din va qonun o‘zaro munosabatlarini yaxshi bilish mamlakatimizda demokratik, huquqiy jamiyat qurishga yordam beradi.