Insoniyat tarixida, jamiyat hayotida madaniyat kabi ko‘p qirrali fenomen hodisaning o‘rni va ahamiyati tobora ortib bormoqda. Shu nuqtai nazardan ham bugun Yangi O‘zbekistonda madaniyat va san’at sohasida jiddiy islohotlar amalga oshirilmoqda. Aslida madaniy islohot madaniy yangilanish, jamiyatning bir sifat holatidan yuksakroq yangi sifat holatiga o‘tish jarayonida ijtimoiy-iqtisodiy, siyosiy jabhalar bilan bir qatorda amalga oshiriladigan jarayonni ifoda etuvchi tushuncha hisoblanadi. Bunda jamiyat hayotining barcha jabhalarida amalga oshiriladigan tub islohotlar madaniy hayot va ma’naviyat bilan uyg‘un holda olib borilishi obektiv taraqqiyot qonuni sifatida namoyon bo‘ladi. Aslida jamiyat hayotining ijtimoiy-siyosiy, iqtisodiy tomonlarini isloh qilish uchun ham madaniyat va ma’naviyat sohasini yanada, tubdan isloh etish, takomillashtirish, ularning ish samaradorligini oshirishning yangi usullarini topish talab etiladi. Shu o‘rinda mamlakat rahbari quyidagilarni ta’kidlaydi: “Jamiyatimizda sog‘lom fikr, sog‘lom kuch ustuvor bo‘lishi