O‘tgan asrning ikkinchi yarmidan boshlab O‘zbekistonning bronza davriga oid yodgorliklarni keng miqiyosda tadqiq etilishi natijasida ushbu hududlarning qadimgi tarixi va madanyati to‘g‘risida boy ma’lumotlar olindi. Turli yillarda janubiy O‘zbekiston hududlarida ilk, rivojlangan va so‘nggi bronza davri ilk dehqonchilikning paydo bo‘lishi va rivojlanishi, urbanizatsiya jarayonlari hamda ilk davlatchilik masalalari, madaniy va iqtisodiy aloqalar, hunarmandchilikning taraqqiy etishi masalalari, ularni qiyoslash va umumlashtirish bo‘yicha A.Asqarov, E.Rtveladze, A.Sagdullaev, T.Shirinov, B.Abdullaev, U.Raxmonov, E.Sayko, Sh.Shaydullaev, B.Eshov, O‘.Mavlonov kabi olimlar tadqiqot ishlari olib bordilar.