Ommaviy madaniyat ma'naviyatning mavjudlik shakllaridan biri. U ma'naviyatning predmetlashgan, moddiylashgan, voqelashgan ko'rinishidir. Masalan, har qanday badiiy, texnik g'oya san'at asarida yoki texnik qurilmada o'zining moddiy predmetlashgan aksini topadi. Ma'naviyat madaniyatning mohiyatli mazmunidir, madaniyat esa ma'naviyatning voqeligidir. Ommaviy madaniyat zamonaviy jamiyatning barcha asosiy va xarakterli xususiyatlarini, shu jumladan ziddiyatlarini aks ettiribgina qolmay, ko'p hollarda ularning ijtimoiy-madaniy poydevori va shart-sharoitini tashkil etadi.