Madaniyatimizning poydevori hisoblangan tarixiy merosimizni o’rganish faqat ilmiy jihatdan ahamiyat kasb etibgina qolmay, balki ajdodlarimiz yaratgan ma’naviy xazinadan bahramand bo’lishda, ijtimoiy –siyosiy va iqtisodiy muammolarni hal qilishda va insonning har tomonlama kamol topishda muhim omil hisoblanadi. Asrimizning ulug’ donishmandlaridan biri “O’tmishni bilmay turib, hozirgi zamonning chinakam ma’nosini va kalajask davrning maqsadlarini tushunish mumkin emas” degan ekan. Haqiqatdan ham tarix tajribasini o’rganish –davrimizning murakkab ijtimoiy –iqtisodiy hodisalarini chuqur idrok etish va tushunib yetishga, mustaqilligimiz va ravnaqimizni qadrlashga. Porloq istiqlol yo’lida yangi zo’rtaraqqiyot uchun katta rejalar belgilash va ularni amalgam oshirishga da’vat etadi. Nihoyatda boy rang –barang tariximizni idrok etish kishining bilim doirasini kengaytiribgina qolmay, shaxs ongining yuksak darajaga ko’tarilishiga ham imkoniyat yaratadi. Bunday olijanob ishlarni bajarishda olimlarimiz kashf etgan yangiliklar, yaratgan ilmiy o’quv adabiyotlari va kitoblarning o’rni beqiyosdir. Oliy o’quv yurtlarining talabalari, ayniqsa “Tarix”, “Arxeologiya” va «Arxitektura» yo’nalishlarida ta’lim olayotgan bakalavr va magistrlar, shuningde, O’zbekiston moddiy madaniyati tarixiga doir mavzularda tadqiqot olib borayotgan aspirant va doktorantlar o’z ilmiy ishlari jar